Ewige beloftes: ’n 6-week-Bybelstudie (Sagteband)

In ons dag word beloftes maklik verbreek. Ons kan nie vertrou dat ander die waarheid sal praat en hulle woord hou nie. Maar ons kan wel vertrou dat God altyd sy woord hou. Sy beloftes is ’n verbond met ons, ’n ooreenkoms en ’n teken van blywende liefde.

Ewige beloftes is ’n Bybelstudie deur Courtney Reissig wat oor ses weke vyf Ou-Testamentiese verbonde – beloftes – ondersoek om God se aaneenlopende verhaal beter te verstaan. Wat is die doel van God se verbonde en hoe verander dit die manier waarop ons leef? In die ses weke lange studie sal jy ontdek wat die betekenis was van God se verbond met Adam, Abraham, Moses, Dawid en die Nuwe Verbond. Lesers sal ontdek wat God se plan vir sy volk was en hoe hulle inpas in daardie plan, asook hoe Jesus die vervulling van God se beloftes is.

Ewige beloftes sal lesers help ontdek hoe Jesus hierdie beloftes vervul het, en hoe ’n mens se lewe verander wanneer jy ontdek dat God se ewige beloftes ook vir jou bedoel is.